Shillong, Nailar, 26: Ka Sorkar Jylla ha ka sngi Thohdieng ka la pyntip paidbah ba ïa ka sboh dawai ban pyndonkam ha ki katto katne ki bynta jong ka jylla kiba la ithuh da ka tnat ka Rep ka Riang ka Sorkar Jylla yn ïoh tang na ka ophis treikam jong ka Meghalaya State Cooperative Marketing and Consumer’s Federation Limited (MECOFED).
Katkum ka jingpyntip ka Sorkar kane ka jingdie ïa ki sboh dawai ka long kum shibynta ban ïaleh ban poi pat sha ka rukom rep kaba khlem pyndon kam dawai sboh. Ka MECOFED kan kit ïa ka dawai sboh na ka Indian Farmers Fertilizers Cooperative Limited (IFFCO) na Guwahahti bad ban pynpoi sha ki nongrep.
Ka Sorkar Jylla ka la batai shai ba ka dawai sboh ka long kaba rem bha ha ka dor iew bad kumba ka long mynta ka long kaba rem bha bad kane kala buh jingeh ïa ki nongrep ka jylla ban weng ïa kane ka jingeh ka Sorkar Jylla ka la shim ïa ka rai ban ïarap da kaba die shiteng dor.
Kane ka long ban ïarap ïa ki nongrep ba kin kiew ha ka kamai kajih jong ki.
Ha kaba ïadei bad ka dor jong ka dawai sboh, ka Sorkar ka la shim ïa ka rai ban ïarap shiteng dor ïa ki nongrep ka jylla ba kin ïoh ïa ka jingmyntoi, ong u u Dr. Vijay Kumar D uba peit ïa ka tnad Cooperation ka Sorkar Jylla.
