Shillong, Lber 14: Ka Meghalaya State Olympic Association [MSOA] hynne ka sngi ka la pynbna ïa ka thup kyrteng ki nongïalehkai na ki synjuk bapher bapher ki ban mihkhmat ïa ka Meghalaya sha ka 3rd North East Games 2024 ka ban long ha Nagaland naduh 18 tarik haduh 23 tarik mynta u bnai, 2024.
Na ka liang jong ka synjuk ka la pyntip ba kan sa pynlong ïa ka prokram kitbok kitrwiang (Sent off ceremony) ïa kaba la khreh ha madan SSA Stadium ha ka 15 tarik mynta u Lber (Sngi Thohdieng) ha ka por 12 baje mynsngi.
Ha kane ka sngi yn wan Kongsan da ka Kong Isawanda Laloo-IAS Director jong ka tnat Sports ka Sorkar jylla.
Ha kane ka kynti ka jylla kan ïashimbynta ha 14 tylli ki rynsan ïalehkai (Discipline), kiba kynthup ïa ka Archery, Athletics, Badminton, Basketball, Boxing, Football, Belt Wrestling, Freestyle Wrestling, Lawn Tennis, Pencak Silak, Table Tennis, Taekwondo, Volleyball bad ka Wushu.
