Shillong, Nohprah, 05: Ka Khun Hynñiewtrep National Awakening Movement (KHNAM) ha ka sngi Palei ka la pynbna paidbah ïa ki phra ngut ki kyrtong ha ka thup banyngkong ki ban aireng ha ka elekshon MDC sha ka Ingdorbar Thawaiñ ka Jylla ka ban sa long.
U kyrwoh ba la soi da u General Secretary u Bah James A. Neng u la pyntip ba ki kyrtong ki long u Working President ka KHNAM u Bah Thomas Passah u ban ïakhun na Jaïaw, u Bah Joseph H. Pynrope na Sohryngkham, Bah Pynshai Mawrie na Mawkynrew, u Bah Banplieborlang Mawroh na Langkyrdem-Laitkroh, u Bah Peter Challam na Laitumkhrah-Malki u Bah Raymond Basaïawmoit na Mawkhar-Pynthorumkhrah, u Bah Ïasuklang War na Shella bad u Bah Barister Poul Thyrniang na Mawkynrew.
Ïa kine ki kyrteng la pdiang da ka State Election Committee jong ka party. Ka Committee ka dang buh teng ban rai halor ki kyrtong na kiwei ki Constituency ïa kaba yn sa pynmih ha ka thup kyrteng kaba ar.
