Pynbeit thymmai ïa ka Meghalaya Reservation Policy da ka mynsiem ki Khasi-Jaintia ba khlem kam ki la nang bun byllien

U paid ka bri u Hynniewtrep khamtam ki khun samla ki angnud ban pynthymmai ïa ka Employment policy ka Sarkar Meghalaya namar ngi la ailad ïa ka bhah thung kam ha ki Office Sarkar kaba la palat 52 snem Kano kano ka Seng Saiñ Hima Khasi – Jaintia kam dei ban pynkhih pyrthei lada ym dei naduh ka dohnud bad mynsiem jong ka jingaiti lut. Lada ki kren bad leh da ka mynsiem bakhuid, ngi tip skhem ba na ka 36 MLA seats kin ïoh haduh 30 seats ha u 2028.. Ha ka 2023, u heh ka Seng Saiñ Hima u la shah thngan ban pynbeit thymmai ïa ka Meghalaya Reservation policy bad tuid paidbah ki samla, longkmie bad longkpa ban kyrshan ïa une u Rangbah shah thngan. Ka Sorkar ka la thung ïa ka Expert Committee da kaba pynsangeh ïa ka Special recruitment for Garo and Candidates bad ïa ka carry over. Dawa pynthymmai ïa ka Meghalaya Reserrvation policy da ka dohnud bad mynsiem basngur. Wat iehnoh ïa kiba thrang wad kam, tang shiteng lynti. Ynda ki Khasi – Jaintia khlem kam ki la nang bun kiba duh ïa ka bhah ba dei hok, husiar bad wanrah noh ïa ka jingpynbeit bhah kam kumne harum:
A. Ban ïoh ïa ka jingsynshar ba trei da ka jingstad (quality administration), dei ban buh 80 p.c jingthung kam bad jingpule kat kum ka merit list Khasi – Jaintia bad Garo ha State Secretariat, Heads of Departments, State Headquarter offices bad ki MBBS seats & Engineering seats. Dang shen la advertise ïa ki post – 3 tylli Accounts Assistants ha ka Directorate of Food Civil Supplies and Consumer affairs Meghalaya da kaba bhah 1 Khasi – Jaintia bad 2 – Garo. Pule advertisement ha ka 27/07/2024 – Mawphor sla 3, Nongsaiñ Hima sla 2. Shano ka Office Order/OM jong ka Personnel Department ha u snem 1972 ba ïa ki vacant post ba don tang 9 bad hapoh, ym don reservation. Ka long beit 80 pc Khasi – Jaintia & Garo.Balei ka Food & Civil Supplies ka bhah 2 – Garo, 1 – Khasi-Jaintia. HYC bad KSU, ïa leit wad ïa kine ki OM na Personnel Department.
B. Ha ki District offices, Meghalaya – Dei ban bhah 80 p.c ïa ki Khasi – Jaintia ha ki Districts ka ri lum Khasi – Jaintia bad ïa ki Garo 80 pc ha Garo Hills Distrcts. Ban pynjan ïa ka
rukom synshar sha ki nongkyndong, kiba apply kam ki dei ban nang ban thoh bad pule bad kren Khasi. I kmie ne kpa I dei ban dei I Schedule Tribe (Khasi – Jaintia Community). Kane kan long ha kajuh ka rukom ha Ri Lum Garo Hills Districts.!
Don u nongmihkhmat MLA barim, uba pyntieng koh tympan ba lada ngi ïa khih pynkylla Reservation policy ha ka Sorkar Meghalaya ngin sa ïa um snam kum ha Manipur. Ha ka por mynshuwa ngi ïa pyrshah ban ai ïa ka Sonapur – Hima Mylliem sha Assam. Ki nongïalam Khasi – Pnar ki ong ba ka dei Ka ‘Ai’ bad ‘Shim’ policy. Ngin ai \ïa ka Sonapur sha Assam bad ban shim ïa ki jaka Garo na Assam kumba la pynbeit u Captain Sangma da kaba pyntieng koh tympan ba ïoh ïa um snam bad ka Assam. U Conrad Sangma u la shna sop sop ïa ka Raj – Bhavan ha Tura bad mynta sa ka Captain William Son Sangma State University.
Hato donkam 2(ar) tylli ki Raj – Bhavan ha ka jylla Meghalaya kaba rit. ïa ka State University la ai kyrteng Captain Williamson Sangma State University khlem pat rah sha ka ïing Dorbar Meghalaya Legisalative Assembly. Aiu uta u Williamson Sangma u la noh synñiang ha ka thoh ka pule bad ka kyrdan aiu u la pyndep ha ka jingpule. Hato u dei shisha u Captain jong Ka Indian Army ne u Captain jong I Force iba rit kum ka Rapid
Action Force jong ka por thma hyndai ban organize ïa ka Village Defence Force.
Shano ki nongmihkhmat Khasi – Jaintia ban saham hato kine ki kam sop sop u CM – Conrad Sangma. Hynniewtrep Youth Council (HYC), phin la leh bun ki kam babha naka bynta ka lawei ka Ri bad Jaidbynriew, ka la dei sa ka wat ban pynthymmai ïa ka Meghalaya Reservation Policy na ka bynta ka lawei ïa ka jingïoh kam ki Samla Khasi – Jaintia bad kiba stad kin ïoh ia ka bhah jingpule MBBS, Engineering bad kiwei. Wat ap haduh ban da dier ka por. Wat ju ngop ha ki jingpyntieng koh tympan ki nongmihkhmat Khasi – Jaintia kiba khmih khmang tang ban ïoh shong shuki Myntri Sorkar.
Ngi sngew burom bad ban ai ruh ka jingïaroh ïa ka Employment Monitoring Cell hapoh ka jingïalam u Samla Reuben Najiar kaba la lah ban pynkohnguh ïa ka MPSC ban pynmih ïa ki marks kiba la ïaleh ïa MCS. Nang ïa trei bha Samla KSU bad ïathir jingmut bha halor ka Jingpynkylla ïa ka Meghalaya Reservation policy. Dang ha ka 8 tarik August, 2024 ka Animal
Husbandry & Veterinary Department, Meghalaya ka la pynmih ïa ka list ki ban leit pule Veterinary U Khasi uba don ha ka waiting list u ïoh 469 ha ka NEET Score, 2024 katba u Garo ba ïoh nyngkong uba ïoh tang 354, u ïoh banyngkong ban leit pule. ki Khasi – Jaintia kiba stad ki shah kyntait, mynta ki khuslai bad long frustrated. Aiu ka jia kajuh ha ka jingleit pule MBBS bad Engineering KSU – phi don ka jingkitkhlieh ïa ki kam ki jam ki Khasi – Jaintia.
To ngin ïa trei lang naduh ki Nongïalam Seng Saiñ Hima Sima ka ri Khasi – Jaintia, ki Seng Bhalang kynthup ki Seng Samla pule, ki longkmie ki longkpa, ki rangbah bad ki samla ka bri u Hynniewtrep.
Uba peit pynman