Pyllait paidbah u CM ïa ka Airtel 5G Plus, sdang treikam ha ki shnong ka Sor Shillong

Shillong, K’lyngkot, 14: U Myntri Rangbah jong ka Jylla u Conrad Kongkal Sangma ha ka sngi Saitjaiñ u la pyllait paidbah ïa ka 5G jong ka kompeni Airtel.
Ka jingpyllait paidbah ïa ka 5G kan long sa uwei u mawjam ka jingïaid lynti jong ka Airtel ban ai jingshakri ha ka jylla Meghalaya lyngba ka Airtel 5G Plus ha kaba ki nongpyndonkam ïa ka Airtel kin sa ïoh jingmyntoi ha kaba ïadei bad ka jingstet jong ka Network.
Ka jingpyntreikam ïa ka 5G kan long katkum ka bynta ba la buh.
Lyngba ka 5G ki nongpyndonkam ïa ka Airtel kin sa ïoh ïa ka Network kaba kham stet khlem da donkam ban siew tam ïa ka dor.
Ïa mynta, ka Airtel ka la pyntreikam ïa ka 5G ha Laitumukhrah, Lapalang, Nongrah, Governor House, Lummawbah, Jaïaw Laitdom, Pines Colony (Laban Red Cross), Mawpat, Riat Sohkhlur bad ha ki katto katne ki shnong. Ka Airtel kan sa nang pynïar shuh shuh ïa ka jingshakri ha ki bynta bapher bapher jong ka nongbah Shillong sa kham katto katne por.
Ka Airtel ka dei ka kompeni banyngkong eh ban pyllait paidbah ïa ka 5G ha kane ka thaiñ Shatei Lammihngi bad mynta ka sngi ka nongbah Shillong ka la ïoh mad nyngkong eh ha kaba pyndonkam ïa ka 5G.
Da kane ka jingpyllait paidbah ïa ka 5G, ka Airtel kan sa nang ïai bteng ban pynurlong ïa ka jingpynïasoh lyngba ka Digital ha kane ka jylla Meghalaya ha kaba la khmihlynti ba kan poi sha kiba bun ki paidbah bad ka ri India kiba la ïoh ban pyndonkam ïa ka 5G technology.