Kynthoh kylla u Myntri Khynnah ïa ka Report Card jong ka NPP

0

Shillong, K’Lyngkot, 14: Da kaba kynthoh ïa ka report card jogn ka NPP, u Myntri Khynnah ka tnad Skill Development and Entrepreneurship bad Electronics & IT, u Rajeev Chandrasekhar ha ka sngi Thohdien gu la ong ba ka dei ka jingmlien jong bun ki Myntri Rangbah bad bun ki sorkar kiba ym don ei ei ban pyni ba kin hap ban shu kam-ei lang ïa ki skim bad ki kam jong u Myntri Rangbahduh ka Ri, u Narendra Modi.
Kane ka jingkren jong u, kadei hadien shisngi ba ka NPP ka la pyllait paidbah ïa ka kaiphod treikam jong ki da kaba kam ba ka la lah ban pyndep ïa ki kular ba ka la khlei ha u snem 2018.
Da kaba kam ba kam dei shuh kaba phylla ba ki seng saiñ pyrthei kiba khlem lah ban trei ei ei ba hynrei ban shu kam burom ïa ki kam jong u Myntri Rangbahduh, u Chandrashekhar u la ong, “Kane hi kadei ka kyrwoh sha ki nongthep vote jong ka MEghalaya ba lada don kano kano ka roi ka pa ha Meghalaya, kane kadei lyngba ka jingtrei shitom bad ka jingshimkhia jong u Myntri Rangbahduh ka Ri, na bynta ka jingkiew ka Meghalaya.
Shuh shuh u ong ruh ba ki don ki Myntri Rangbah bym dei na ka BJP kiba la shim burom ïa ka jingtrei shitom u Myntri Rangbahduh ka Ri, kata naduh ka jingbei pisa kiba ka sorkar India da kaba kam ba kitei ki skim ki dei ki skim jong ki.
“Hynrei kadei pat ka kamram jongngi ha ki rynsan elekshon ban pynshai ïa ka jingshisha sha ki paidbah bad ki nongthep vote jong ka Meghalaya. Bad lada ka jingthok jong kito ka dang kham lah ban ïa ka jingshisha jongngi, kata tang ki nongthep vote hi kiba lah ban rai hynrei lada ka jingshisha jongngi ka ieng, ki nongthep vote kin kyrshan ïa ngi,” u la bynrap shuh shuh.
Haba jubab halor ka jingkylli, balei ba ka BJP kam weng noh na ka sorkar MDA ba ïalam da ka NPP, u Chandrashekhar u la ong, “Kadei ka jingkylli kaba kyllaiñ, hynrei ngi long kiba kylluid ban ïa kren bad no bad no ruh kum ki nongshong shnong, kum ki riewshimet bad kum ki sengsaiñ pyrthei kiba ngeit bad don ïa ka thong ban trei na ka bynta ka roi ka pa, kaba lait na ka bamsap bad ka roi ka pa na bynta baroh.”

Leave A Reply

Your email address will not be published.