Jowai, Jymmang 17: Ka Meghalaya Rural Bank ha kane ka sngi saitjaiñ kala ïoh ban plie paidbah sa kawei ka shnat treikam kaba 90 haka shnobg Namdong-B, haba la wan ban plie da u ma Sniawbhalang Dhar uba dei u symbud myntri rangbah jong ka sorkar Jylla.
Ha kane ka sngi la ïa don lang u Ashish Yadav Chairman ka Meghalaya Rural Bank, General manager Eleser Blah bad kiwei kiwei ki heh jong ka MRB ïaka jingïalang la pynïaid da u Mebanshan Wankhar Regional Manager.
Ha kane ka sngi la ïoh ïaka jing duwai bad kyrkhu bad pynkyntang ïa kane ka ïing da i Fr. Simeon Sungoh Parish Priest Namdong Parish bad ka jingïadon lang u Rev Kamwakwah Laloo Pastor incharge Saitsama District. La ïoh ïaka jingkren pdiang burom na u Waheh Shnong ka Namdong-B ma D. S War bad u la pynpaw ka jingsngew nguh ïa u Waheh Raij/Secretary Raij, ki Waheh Shnong jong kane thaiñ baroh ki Riew Rangbah kiba la trei shitom lang naka bynta ban pynurlong ban ïoh ïaka Bank, namar kane ka jing angnud ban ïoh ïaka Bank ha shnong Namdong ka long ka jingïaid lynti kaba lah slem daki nongïalam kiba mynshwa naduh ka Synjuk Waheh Shnong 30 shnong, ka 5 shnong Development Society Namdong kata naduh u snem 2015.
Kumta ha kane ka kynti da ka jingïai buddein u Waheh Shnong bad kala urlong kumba ka long mynta, bad u pynpaw ruh ka jingsngew nguh kaba Khraw ïa u Local MLA u ma Sniawbhalang Dhar uba dei ruh u Deputy Chief Minister uba la trei borbah ban pynïoh ïa kane ka jing angnud jong ka shnong.
Haka jingkren jong u ma Sniawbhalang Dhar u la ong ba ka shnong Namdong-B ka don hapdeng duh ïaki shnong baroh sha kane ka thaiñ.
Kumta ka jingdon jong ka Bank ha kane ka shnong kan pynsuk ïaki Paidbah jong kane ka thaiñ, namar kumba long mynta ki ophis kiba pher kiba pher kila don lut ha kane ka shnong bad kum u MLA u don ka jingkit khlieh ïaka roi ka par bad un wah rah shuh ïa shibun ki kam pynroi haki sngi ki por ki ban wan.
Ula kyntu ruh ïaki paidbah nongshong shnong ka thaiñ ban plie ïaki Account bad ban snoh kti lang bad kane ka Bank khnang ba kane ka Bank kan long kaba ïohnong bad kaba lah ban ai ka jingshakri kaba paka ïa ki nong shong shnong jong katei ka thaiñ.
