Shillong, Jymmang 22 : Ka PFR Football Academy ka la pynïar shuh shuh ïa ki thapñiang jong ka ha kaban kyntiew ïa ki khynnah kiba don ka sap ha ka liang ka jingïalehkai kynjatbol, da kaba pynkha tnad sa ha Ri Bhoi. Kane ka shlem ai jinghikai kadei beit tang na ka bynta ka thaiñ Ri Bhoi.
Ïa kane ka shlem ai jinghikai na ka bynta ki khynnah shynrang bad kynthei kiba naduh 4 snem haduh 18 snem la plie ha ka 20 tarik Jymmang 2023 da u Dr. Celestine Lyngdoh uba dei MLA ka Umsning ha Umbang Sumer kaba dei ka Center.
