Plie ka Courtyard by Marriott Shillong ïa ka Spectra, ka jaka bam ha ryngkat ki jingbam bar-ri bad jingbam tynrai

By Mawphor News Desk On Mar 22, 2023

Shillong, Lber: Ka Courtyard by Marriott Shillong ka sngewkmen ban pynbna paidbah ïa ka jingplie ïa ka Spectra, kaba long ka jaka bam ne restaurant ba thymmai bad ba biang tam bad kaba plie baroh shi sngi lynter.
Kane ka jaka bam kaba don bun jait ki jingbam ka don ban tyrwa sha ki nongwan bam ïa ki jingbam bapher bapher kiba don hakhmat jong ki, bad kine ki jingbam ki kynthup naduh ki jingbam na la ka jong ka ri haduh ki jingbam bar ri. Ryngkat ka jingtyrwa jong kine ki bam kiba la shet katkum ki buit shet ba thymmai bad ryngkat ki jingshakri ba bha tam, ka pynlong ïa kane ka jaka kaba biang tam na ka bynta ki nongwan bam ba kin wan ban pynjahthait ialade bad ki bahaïing lane bad ki paralok lane badno bano kiba ki kwah ban pynïasoh ïalade ha ki kam ki jam.
Kane ka jaka bam kaba itynnad bad kaba i shongkhia kan long shisha ka jaka ban khring bha ïa kito ki briew kiba sngewtynnad ban bam. Kane ka jaka bam kan ailad ba kin ïoh mad ïa kita ki jingbam kiba bang ba shngiam, da kaba buh hakhmat ïa ki jingbam na kylleng ka pyrthei bad kumjuh ruh ïa ki jingbam tynrai ha kaba la shet ïa ki na ki jhur ki jhep kiba dang thymmai bad kibym pat ryngkat bad kiwei kiwei ki jingdonkam kiba dang bha ïa kaba la pyndonkam ban shet, bad ïa kine ki jingshet la shet da ka kynhun ba tbit ban shet khnang ba ki briew kin ïoh mad ïa ki jingbam ki ri ka pyrthei, ryngkat bad ki jingbam tynrai.
Ryngkat ki rukom shna kiba mynta bad kiba biang nadong shadong, kane ka jaka bam ka don ha kajuh ka bynta ba don ka jaka rung, ka long ka jaka kaba kylluid bad kaba heh kaba don ruh ïa ki jingkhangïit kiba naduh na tnum shaduh sha madan ha kaba ka jingshai ka ioh ban rung beit ha kamra. Na ka bynta ki nongwan kiba kwah ban bam shabar, kane ka jaka ka don ïa kaum kane ka jaka bam na ka bynta kito kiba nongwan kiba sngewtynnad ban bam shabar.
Ka menu ne ka kot ba thoh ïa ki kyrteng jong ki jingbam ka don ha ka ïa bun jait ki jingbam la ki long kiba la shet tang da ki jhur ne vegetarian bad la ki long kiba don bad ka doh ne non-vegetatian khnang ba ki briew ki lah ban jied hi ka jait jingbam kaba kumno ki kwah ban jied, kynthup naduh ki jingbam kiba bam shwa nyngkong ban pynthngan shuh shuh ïa ki nongbam ne appetizer, ka jingbam kdang ne main course, ki jingdih ne beverage, bad ki jingbam thiang ba bam ynda la dep bam ne dessert. Kane ka menu ka don ïa ki jingbam kiba shet tang ha kane ka jaka shet bad ki bym ïoh na kiwei ki jaka kum ka ‘Nongkwai Mandarin, Roasted Beets & Minted Artichoke’, ‘Nongpoh Wild Mushroom Soup’, ‘ Naga Pork Curry with Raja Bhut Jolokia Chillies’, ‘Slow Roasted Pork Belly’, ‘Baby Spinach and Ricotta Tortellini in Tomato Fondue’ bad ‘Charcoal Black Fettuccini’.
Kane ka menu ka kut da ka jingdon jong ki dessert kiban pynum ïa ka mynsiem ki nongbam kum ka ‘Caramelized Banana Cream Pie’ bad ‘Baked Rasogolla’ napdeng kiwei kiwei. Ka kynhun ha Spectra ka aiti lut ha ka kam khnang bay n lah ban ai ïa kaba bha tam na ka bynta ki nongbam, ha kaba ki ai ïa ka jingshakri ba biang tam bad ban pynsngap ïa ka jingdonkam jong ki nongbam. Kane ka jaka ka plie na ka bynta ban bam ïa ki jingbam step ne breakfast, ki jingbam sngi ne lunch, bad ka jingbam miet ne dinner ïa kaba lah ban ïoh ha la ka jong ka jong ka por bad kane ka ailad ïa ki nongwan ba ki lah ban bam ha kano kano ka por jong ka sngi. Ki bynta kiba kham khring shuh shuh ha kaba ïadei bad ka bam ka dih ka long ka jingdon ïa ki jingbam step, ka bam sngi bad ka bam miet ha kaba ki don ki kamra shet kiba itynnad ba kaba ki nongbam ki lah ban ïohi ïa ki, ïa kaba la shna ïa ki katkum ka juk ba mynta bad kane ka nang pynbang shuh shuh ïa ka bam ka dih.
Kane ka jaka bam kan long kawei na ki jaka bam kaban khring ïa ki briew ban leit bam ïa ki jingbam step bad ban sngi ha kajuh ka por ne brunch khamtam ha ka sngi U Blei, ïa kaba kin don shibun jait ki bam ki dih khnang ba ka janmiet ba jaituh jong ka sngi U Blei kan long kaba sngewbha.
“ Ngi sngekmen ban plie paidbah ïa ka Spectra, kaba long ka jaka bam kaba plie baroh shi sngi ha Courtyard by Marriott Shillong" ong u Tushar Nagar, U General Manager ha Courtyard by Marriott Shillong. Ngi ngeit ba ngin wanrah ka jingtyrwa sha ki nongwan ba kin ïoh ka jingsngewhun ha ka por ba ki wan ban bam, bad na kata ka daw ngi la thied ïa ki jingdonkam ban shet nangne na shnong khnang ba ki jhur ki jhep kin dei kiba dang im bad dang bha na ka bynta ban ïoh ïa ka jingmad ba bha tam. Da kaba buh ïa ki jingbam tynrai ha ka menu, ym tang ba ngi ai ïa ki briew ban ïoh mad ïa kiei kiei kiba pher hynrei ban kyrshan ïa ki nongpynmih ïa ki jingbam tynrai . Ha ka Spectra, ka jingthmu ba ha khmat jong ngi ka long ban wanrah sha ki briew ïa ka jingsngewhun kaban sah kynmaw ïa ka jingleit bam hangne ha kaba phi lah ban ïoh ïa ki jingbam tynrai bad jingbam bar ri,” ong shuh shuh u Tushar Nagar.
Sa kiwei dei ki jingtip
Jaka: Courtyard by Marriott Shillong Kyrteng ka jaka: Jail Road, Police Bazaar Shillong, Megha laya 793001.Por: Jingbam step: 6:30 mynstep haduh 10:30 mynstep Sngi kut taiew: 6:30 mynstep haduh 11:00 mynstep Bam sngi: 12:30 mynsngi haduh 03:30 janmiet | Bam miet: 07:00 mynmiet haduh 11:00.