Phra tylli ki mat phah tyrwa ka BJP Nongstoiñ

0

Nongstoiñ, K’lyngkot 31: Ka BJP Nongstoiñ ka la phah jingtyrwa kumba phra tylli ei ei ki mat jingdawa ba ka State level kan mynjur. Kine ki kynthup ïa ka ILP, ka jingpynrung ktien Khasi ha ka khyrnit ba phra, Inter State border bad International Border, ka jingeh ban tih dewiong na ka daw ka jingkhang ka NGT, ka jingdawa ban pynrung ïa ka rukom pule dangle katkum ka jingstad Digital, ka jingpynbha ïa ka kam rep bad kam ri jingri, ka kam jngoh kai pyrthei, ka Power sector bad ha ka liang ka jingpynbha ïa ka koit ka khiah.
Ïa kine ki mat na ka liang ka BJP Nongstoiñ Mandal lyngba u Working President Bah D.Jyndiang, ka la dep ban phah sha u Bah Ernest Mawrie President jong ka BJP Meghalaya.
La ong ruh ba kine ki phra tylli ki mat ki dei kiba ka BJP Nongstoiñ, ka angnud ba ka BJP Meghalaya bad kumjuh ruh na ka liang ka BJP central body, kin mynjur lem hashwa ban ïaid shaphrang ha kane ka elekshon.
Na ka liang u Bah D.Jyndiang u la pynpaw ka jingkyrmen ba ka State bad Central level jong ka party, kin mynjur ïa kane ka jingtyrwa na ka liang ka Nongstoiñ Mandal. La ong ba kine ki dei kiba kongsan eh kiba kum ka jaidbynriew ka donkam palat katkum ka jingïaid jong ka por.

Leave A Reply

Your email address will not be published.