Ki jingpyntip halor ka jingjied ïa ki Nongmihkhmat ha Mawkyrwat bad Ranikor Constituency

0

Ranikor, K’lyngkot 31: U Returning Officer jong ka 35-Ranikor (ST) Assembly Constituency, South West Khasi Hills District, Mawkyrwat u la ai ïa kane ka jingpynbna paidbah ba namar ka jingdon ka elekshon na ka bynta ka jingjied ïa u nongmihkhmat sha Meghalaya Legislative Assembly na ka bynta ka 35-Ranikor (ST) consti-tuency ia ki nomi-nation papers dei ban pynpoi ha u bah Banteilang J. Khar-shandi, Returning Officer, 35-Ranikor (ST) Assembly Constituency lane sha u bah Aldrin L. Bareh, Assistant Returning Officer ha Room No. 9 kaba don ha ophis jong u Deputy Commis-sioner, South West Khasi Hills District hapdeng ka por 11 baje mynstep bad 3 baje nohphai sngi ha kano kano ka sngi (lait noh ki sngi shuti) ym palat ïa ka 3 baje janmiet ha ka 7 tarik u Rymphang, 2023.
Ïa ki phom bad aplikeshon lah ban ïoh na katei ka ophis katkum katei ka por ba la buh. Ïa ki nomination papers yn rah ha Multipurpose Hall, Deputy Commissioner’s Office, Mawkyrwat ha ka 8 tarik u Rymphang, 2023 por 11 baje na ka bynta ban peit bniah bad lada don ka jingweng noh na kaba ïa khun elekshon, u kyrtong lane u nongmih bujli ïa u kyrtong lane u agent jong u kyrtong uba la ïoh jingbit da ka jingthoh na u kyrtong u dei ban pyntip lane pynpoi sha uwei na kitei ki ophisar ba la kdew haneng ha katei ka ophis ha shwa ka 3 baje janmiet jong ka 10 tarik u Rymphang, 2023 bad na ka bynta kito ki ban ïa aireng ha ka elekshon ka jingïathep vote kan long ha ka 27 tarik u Rymphang, 2023 naduh ka por 7 baje mynstep haduh ka por 4 baje janmiet.
MAWKYRWAT: U Returning Officer jong ka 36- Mawkyrwat (ST) Assembly Constituency, South West Khasi Hills District, Mawkyrwat u la ai ïa kane ka jingpynbna paidbah ba namar ka jingdon ka elekshon na ka bynta ka jingjied ïa u nongmihkhmat sha Meghalaya Legislative Assembly na ka bynta ka 36-Mawkyrwat (ST) Constituency ïa ki nomination papers dei ban pynpoi ha u bah M. Diengdoh (MCS), Returning Officer lane sha u bah I. Lawrynniang (MCS), Assistant Returning Officer ka 36-Mawkyrwat (ST) Assembly Constituency ha Room No. 6 kaba don ha ophis jong I Deputy Commissioner, South West Khasi Hills District, Mawkyrwat hapdeng ka por 11Am bad 3PM ha kano kano ka sngi (lait noh ki sngi shuti) ym palat ïa ka 7 tarik u Rymphang, 2023.
Ïa ki phorm bad aplikeshon lah ban ïoh na katei ka ophis kat kum katei ka por ba la buh. Ïa ki nomination papers yn rah ha Multipurpose Hall, D.C Office, South West Khasi Hills District, Mawkyrwat ha ka 8 tarik u Rymphang, 2023 por 1 baje nohphai sngi na ka bynta ban peit bniah bad lada don ka jingweng noh na kaba ïa aireng ha ka elekshon u kyrtong lane u nongmih bujli ïa u kyrtong lane u agent jong u kyrtong uba la ïoh jingbit da ka jingthoh na u kyrtong u dei ban pyntip lane pynpoi sha uwei na kitei ki ophisar ba la kdew haneng ha katei ka ophis ha shwa ka 3 baje janmiet jong ka 10 tarik u Rymphang, 2023 bad na ka bynta kito ki ban ïa aireng ha ka elekshon ka jingïathep vote kan long ha ka 27 tarik u Rymphang, 2023 naduh ka por 7 baje mynstep haduh ka por 4 baje janmiet.

Leave A Reply

Your email address will not be published.