Phi la jop 11 ngut ki MLA balei ym buh ïa ka mat Reservation Policy kum ka kyndon shuwa ban kyrshan MDA : Ardent

Shillong, Ïaïong 20: U President ka Voice of the People Party (VPP) u Bah Ardent M Basaïawmoit u la ong ba ka jingthet kti jong u nongïalam ka United Democratic Party (UDP) ban ong ba kiba bun ki paidbah kim kwah ba pynkylla ïa ka Reservation plocy namar ki pynjop tang 11 ngut ki kyrtong jong ka ka pyni ba la shu pynlong ïa kane ka ishu tang ka mat ban jop elekshon khlem don satia ka mon ban pynurlong.
“Phi la jop 11 ngut ki MLA ha kane ka elekshon kaba la dep ha ka jingshisha phi la dei ban buh da ka kyndon shuwa ba phin leit kyrshan ïa ka MDA ba namar phi la kular ha u paidbah ban kren bad leh eiei ïa ka mat jong ka Reservation Policy hynrei namar la pyndonkam ïa u paidbah shuwa ka elekshon khlem kino kino ki kyndon la shu leit kyrshan matlah beit ïa ka sorkar,” ong u Bah Ardent haba kren ha ka jingïalang pynshai paidbah halor ka nongrim ba ka VPP ka ïeng ha kaba ïadei bad ka Reservation Policy bad ka roster System kaba la pynlong ha Jaïaw.
U Bah Ardent u la ong ba namar ba ka VPP ka shim ba ka kular ka la khlei sha u paidbah ka dei ka jubanlak kaba la khlei na kata ka daw wat hadien ka elekshon ka ïai shim khia ïa kane ka mat ym ban thet kti namar ka jop tang 4 ngut ki MLA.
“Ngi jop tang saw ki MLA ngim shym la kynnoh ïa u paidbah ba u pynjop tang saw ngut ym kum kito ba jop 11 ngut ki kynnoh pynban ïa u paidbah ba u pynjop tang 11 bad namar lada ngi ka VPP ngi shim ba tang ban jop ngi ba tang saw gut lei ynnai ïakren shuh,” u la ong.
Shuh shuh u la ong ba ka Wat kaba nyngjong kaba ka VPP ka la shim ka la poi sha kaba kut bad shen kan sa sdang sa ka wat kaba ar ha kaba kan leit sha ki distreicyt Headquater ban pynshai bad pan jingkyrshan na u paidbha halor ka jingdawa jong ka VPP ban thung da ka Expert Committee ban pule bniah halor ka Reservation plocy bad kumjuh ban pynsahngeh mardor ïa ka jingpyntreikam ïa ka Roster System.
“Wat ong ba ka jingïakhun ka VPP ka long kaba lehnohei hynrei ngi la sdang ban ïohi ïa ki soh namar baroh shi katto u Myntri Rangbah u la kren kob beit ba lada kwah pynkylla ïa ka Reservation Policy leit beit sha Kashari hynrei mynta ynda la mih ka VPP ban dawa u Myntri Rangbah u hap khot ban ïatai ïa kane ka mat kaba ngi dawa bad ruh lada phi peit ba kito kiba ym ju nud ang eiei ban kren shaphang kane ka phang da kaba ïa daw ba ka long sensitive hynrei ha kane ka kynti ki kren bad kane hi ka jia ynda ngi la mih ma ngi,” ong u Bah Ardent.
“Ka kyrwoh kaba shai ha ka sngi kaba ngi pynkut ïa ka Wat kaba nyngkong jong ka jingïakhih jpong ngi bad ngi kwah ban ai kane ka kyreoh kaba shai ba sngap ïa ka jingdawa jong ngi ne ngin ïakhih tyngeh bad u paidbah hynrei shuwa ban poi shata sngap noh ïoh phin lehraiñ ei kum ka sorkar,” u la ong.
U Bah Ardent shuwa ba un pynkut ïa ka jingkren jong u u la pan ïa ka rai na ki paidbah la ka VPP kan ïaid shakhmat ha ka jingïakhun ïa kane ka mat ne kan sahngeh noh bad la ïohi ba baroh na ki paidbah kiba wan sha kane ka jingïalang ki la ïeng ban rahkti kum ka dak ban kyrshan ïa ka VPP ba kan ïaid shakhmat ban ïakhun na ka bynta kane ka kam.
Ha kane ka jingïalang ka VPP la wan shim bynta da ki nongïalam ka party nalor ki saw ngut ki MLA bad la ïohi ba da ki bun spah ngut ki paidbah ki la wan ban shim bynta ha kane ka jingïalang.