Pdiang sngewbha u President KBCC ïa ka kyrtong ban ïakhun na Khliehriat Constituency

Khliehriat, Rymphang 04 : U President jong ka Khliehriat Block Congress Committee, u bah T.Sana, lyngba u kyrwoh khubor, u ong ba u la pdiang sngewbha ïa ka kong Jhanika Siangshai kum ka kyrtong jong ka party Congress, ka ban ïakhun na ka 6- Khliehriat Constituency bad ong ruh ba ka jingwan jong ka ka long kumba la ïoh kmie biang sa shi sien.
U bah Sana u la ong ruh ba ka kong Jhanika Siangshai ka dei ka District President jong ka East Jaiñtia Mahila Congress Committee bad ka dei ruh kawei na ki nongtrei party kaba trei shitom, Kumta, na ka ka khliehriat Block Congress Committee, ka ai ka jing kit bok, kit rwiang ïa katei ka kyrtong, kaba la kloi ban kit ïa ka lyngkor kaba khia na ka bynta ban shakri paidbah, la ong ruh ba kane ka jingwan jong ka, ka la long kum ka jing mih sngi biang jong ka party.