Pdiang sngewbha ka KSU-NKH ïa u Vice President da ki jingthoh halor ka ILP bad Ktien Khasi

Umiam, Nailur 07 : Ki dkhot ka Khasi Students’ Union (KSU)-North Khasi Hills District, ha ka Lah Sngi U Blei ki la pynlong ïa ka jingïakhih ba jai jai bad pdiang da ki placard ïa ka jingwan Shillong ba arsngi u Vice President ka Ri India CP Radhakrishan.
Ki dkhot ka KSU kila pynlong ïa kane ka jingïakhih ban pynpaw ïa bun tylli ki mat jingdawa jong ka seng kiba ktah ïa ka Jylla bad khamtam eh ïa ka Jaidbynriew Khasi.
Napdeng ki mat jingdawa ba hakhmat eh ka dei ka jingpyntreikam ïa ka Inner Line Permit (ILP) ha Jylla, ka jingpynrung ïa ka ktien Khasi ha ka Khyrnit ba Phra ka Riti Synshar ka Ri, bad ki sienjam ban pynbeit noh ïa ki kynrum kynram kiba don hapoh ka North Eastern Indira Gandhi Regional Institute of Health and Medical Sciences (NEIGRIHMS).
ïa kane ka jingïakhih ba jai jai la pynlong ha ka por ba wan ïaid lynti u Vice President sha Shillong.