Ka jingïadei jongnga bad u P.A.Sangma ka dei kaba khlaiñ bad la slem bha : Vice President

Shillong, Nailur 07 : U Vice President ka Ri, u CP Radhakrishnan ha ka sngi Nyngkong u la ong ba ka jingïadei jong u bad u Lamphang barim ka Lok Sabha u (L) Purno A Sangma ka dei kaba khlain bad kaba la slem bha.
Ïa kane u pynpaw ha ka jingïalang kaba heh bha Shillong ban buh mawnongrim na bynta ki san tylli ki projek kiba shongdor palat 1,010.95 klur tyngka. Ha kane ka jingïalang u la ong ruh ba u Purno A Sangma u la don ka bynta kaba khraw bha ha kaban noh synñiang ïa ka sainpyrthei ha ka Ri baroh kawei.
Kumba la kdew da u Myntri Rangbah ka Jylla, ka jingïadei jongnga bad u PA Sangma ka dei kaba khlain bha bad kaba la slem bha. Ngi baroh ngi tip bad ka ri baroh kawei ka tip. PA Sangma nga sngew sarong ba ngan kynmaw ïa u hangne. Kum u Myntri bad u Lamphang jong ka Lok Sabha, u la don ka bynta kaba khraw bha bad buh dak ha ka history jong ka sainpyrthei ha India,” u la ong.