Shillong, Rymphang 16 : Palat spah ngut ki Nongkyrshan jong ka All India Trinamool Congress na Dadenggre Constituency, kila pynïasoh ïalade sha ka NPP ban kyrshan ïa u MLA bad kyrtong ka Party James PK Sangma.
ïa kine ki Nongkyrshan ka TMC la pdiang sngewbha da u James PK Sangma ha ka jingïadon lang kiwei ki Nongïalam ka NPP n aka Constituency.
Kine ki Nongkyrshan ka TMC kila pyntip ba ka jingphet syndet jong ki sha ka NPP ka dei namar ka jingñiew poh jong u Kyrtong ka TMC Rupa Marak ïala ki jong ki nongkyrshan kaba long ruh kumjuh na ki Nongïalam ba hakhlieh.
“Ka TMC ka dei ka party thymmai ha Meghalaya hynrei ngi kum ki Nongtrei ngi la ïashimbynta ha ki kam saiñ pyrthei la slem bha mynta. Hynrei ki Nongïalam kim ju ïakynjoh ktien lem ïa ngi haba ki shim ïa kano kano ka rai hapoh ka constituency. Ki Nongïalam ki wan, ki ai jingkren bad leit khlem da sngap ïa ki jingpynsngew jong ngi” kila ong.
“Nakata ka daw ngi la rai ban pynïasoh sha ka NPP namar ki Nongïalam ki burom bha ïa ki nongkitkam ka party” kila ong.
