Shillong, Rymphang, 7: Ka tnat Soil and Water Conservation jong ka Sorkar Jylla ka la pynlong ïa ka jingïalang bad ki seng kiba kyrshan dalade ïalade lane ki Self Help Group ha State Convention Centre ban pynshai halor ka jingmyntoi jong ka Schme Pradhan Mantri Krishi Sinchayee Yojana ha ka sngi Balang ha kaba ki SHG na kylleng kylleng ki la wan ïashim bynta.
Ha kane ka jingïalang u Myntri ka tnat Soil and Water Conservation u Marcuise Marak, u la ong ba kane ka skhim ka la long ka jingmyntoi ïa kiba bun ki nongrep bad ki SHG ha ki nong kyndong ha kaba la kyntiew ïa ka ïoh kot jong ki bad ïa ka imlang sahlang.
U la ong ruh ba kane ka skhim ka long ka jingpynkupbor ïa ki .
U Myntri u la ïathuh ruh ba ki don 1188 tylli ki Self Help Group ba la thaw lyngba kane ka skhim ha ka jylla bad ka Sorkar ka la mang pisa T. 5. 91 klur tyngka kum ka jingïarap na ka bynta jong ki.
La ïoh ruh ïa ka jingkren na ki nongïoh jingmyntoi na kane ka skhim.
Ha ka jingïalang la sakhi lang da u Myntri Rangbah ka jylla u Conrad K. Sanma uba la long kum u kongsan, ka Director jong ka tnad Soil and Water Conservation ka Kong Ibashisha Rynjah, ki Self Help Group, ki heh ophisar bad kiwei kiwei.
