Shillong, Lber 13: U Bah Ardent Miller Basaïawmoit, MLA ba thymmai ka Nongkrem, haba kren ha ka jingïalang pynkup burom da ka Shnong Kynton u Mon, Nongkrem, u la ong ba ka por ka ladei ba ki paidbah ka jylla kin kham pyndonkam da ka bor jingstad bad ka bor shemphang ban ïada ïa ka ri bad ka jaidbynriew.
U la ong ba ka jingïaid da ka lynti ban pynshongshit bad pynthame ïa ki paidbah kam dei shuh, hynrei la dei ban leh noh da ka jingstad ka jingshemphang ban trei na ka bynta ka roi ka par bad ka jingmyntoi jongj ki paidbah.
“Nga sngewsih ban ïohi ba ha kane ka elekshon la don kiba la shu pynthame ïa ki paidbah bad shu leh shongshit kaba la pynlong ïa kiwei pat ki Party ban ïatylli lang mlon bad ka ktah pat ïa ka jngangnud jong ki paidbah ban wanrah ïa ka jingkylla, wat lada ki paidbah ki da angnud shisha ban ïoh ïa ka jingkyllla.
U Bah Ardent u la ai khublei kyrpang ruh ïa ki nongshongshnong ka Kynton u Mon namar ka jingkyrshan jong ki ïa u ha kane ka elekshon kaba ladep, ha kaba u la ïathuh ruh ba ki saw ngut ki MLA ka VPP kin shong biang ha ka Liang Pyrshah bad kin nym ïatreilang satia bad ka Party kaba la lehsat ïa ki paidbah ha kine ki san snem baladep.
U la ïathuh ruh ba mynta na kylleng kylleng ki paidbah ki kwah ban ïasnoh kti lang bad ka Seng VPP na ka bynta ban pynïeng kyrtong ha kane ka elekshon MDC ka ban wan. “Ka jingthrang ki briew ban ïoh Prah ka la long kumba threw soh jew ka kynthei kaba dang pun khun”, u la bren bad ka biria artad.
U la kren bynñiaw ruh ba hadien ka elekshon 2023 ym shym la lah ban thaw da ka sorkar ba ïalam da ki Seng Riewlum wat lada ki paidbah ki angnud ïa kane, na ka daw kaba um kwah shuh ban pynpaw namar ki paidbah ki la ïohi hi kaei kaba jia.
