Shillong, Lber 13 : U Lamphang ka Iing Dorbar Thawain ka jylla, u Thomas A Sangma ha ka sngi Nyngkong u la kyntait ban ong ei ei halor ka jingshah kynnoh ba u jrongkti ïa kawei ka kynthei.
“Ngam don ei ei ban ong halor kane. Ai ba ka ain kan leh la ka jong ka bynta, kata hi ka la biang. Ka jingtohkit ka dang ïaid bad kumta kam ïahap ba ngan kren eiei halor kane,” u la ong haba kren bad ki lad pathai khubor.
Dei ha u snem ba la dep, ka la don ka ejahar pyrshah ïa u da kawei ka longkmie ha u SP ka East Khasi Hills da kaba kynnoh ba u donkti ban jrong kti ïa ka naduh u Kyllalyngkot 2021.
Lah ruh ban kdew hangne ba u Thomas Sangma u dei ruh u MLA jong ka North Tura bad ruh u General Secretarty jong ka National People’s Party (NPP).
