Kular ka Myntri ka tnad Platyngka ka Ri ban kyrshan ïa ka Meghalaya

Shillong, Lber 13 : Ka Myntri jong ka tnad Platyngka ka sorkar pdeng, ka Nirmala Sitharaman ka la kular ban ai ka jingkyrshan ïa ka sorkar jylla ha ka jingkynduh bad u Myntri Rangbah bad Symbud Myntri Rangbah ka jylla ha kine ki khyndiat sngi ba la dep.
“U Myntri Rangbah bad manga ngi la don ha Delhi ha kine ki khyndiat sngi ba l adep bda kum ka burom ngi la leit ruh ban kynduhi ïa ka President ka Ri bad katto katne ki nongïalam kynthup ïa ka Myntri ka tnad Platyngka ka Ri. Ngi la ïakren ruh ïa ka jinglong jingman ka pla tyngka jong ka sorkar jylla bad ka jubab kaba ngi ïoh ka long kaba ïoh mynsiem namar ka ong ba kan ïai donlang bad ngi,” ong u Symbud Myntri Rangbah ka jylla, Bah Prestone Tynsong haba kren bad ki lad pathai khubor.
Halor ka jingkylli haba ïadei bad ka jinglong jingman ka pla tyngka jong ka sorkar jylla, u Bah Prestone u la ong, “Kam dei kaba haduh katta katta hynrei kaei kaba nga ong ka long ba ka pynpaw ba kan kyrshan ïangi.”