Jowai, Lber 13: Ka Jaiñtia Student Union (JSU) hadien ba la ïoh ïaka khubor ba naka liang u Himanta Biswa Sarma u Myntri Rangbah ka Assam ula kam hapoh ïing Dorbar Thaw aiñ ka Assam da kaba ong ba ka shnong Mukroh ka hap hapoh Assam, kane ka jingkren jong u Myntri Rangbah ka Assam ka lah pynbitar ïa ka seng bad khamtam ïaki nongshong shnong ka shnong Mukroh bad ki pait ka bri u Hynñiewtrep hi baroh kawei.
Halor kane ka seng ka la phah ïaka kyrwoh sha u Myntri Rangbah ka jylla ban ïakren bad u Himanta u Myntri Rangbah ka jylla Assam ba umdei ban kren laplah kumne da kaba kam ei ïaki shnong bad ki jaka kaba hapoh Meghalaya kiba don ha khap pud bad ka Assam. Ka seng ka ong ba kane ka jingkren u MR ka Assam ka la nang ai ding shuh shuh bad kan sa warah ïaka jingïapher jaitbynriew sah shisien hapdeng ki nong Assam bad ka jylla Meghalaya.
Ka seng ka phah ruh ïaka kyrwoh kaba shai kdar sha u MR ka Assam ba u dei ban tih jylliew shuwa ban tip ïaka jingshisha ba kine ki jaka ki hap shaei ka jylla ha shuwa ban un kren hapoh ka ïing Dorbar thaw aiñ ka Assam namar ka jingkam ei ka jong u ïaki jaka kiba don hapoh u pud u sam ka jylla Meghalaya kan ïalam bakla ïa kiwei pat ki nongmih khmat kiba don lang hapoh ka ïing Dorbar thawaiñ ka Assam.
U seng ka la ong ruh ba u Himanta Biswa Sarma u dei ban tip shai ba ka shnong Mukroh ka hap hapoh ka jingpeit jingkhmied ka JHADC bad ïaka synshar khadar ruh la ïoh bor na ka JHADC ym kum ba kam u MR ka Assam ba katei ka jaka ka hap hapoh West Karbi Anglong District.
