New Delhi, Nailur 08: U Prime Minister jong ka Bilat, u Rishi Sunak, u la ong ba u sngew sarong ïalde bad udei i Hindu bad haba u poi ha India u sngew ba udei kum u pyrsa kurim jong ka.
U Sunak, uba long u Myntri Rangbah Duh ba nyngkong eh jong ka ri Bilat ban don ka jinghiar pateng na ri India, u la wan sha India ryngkat bad ka kurim jong u, ka Akshata Murty, kaba dei ka khun jong u Narayanan Murthy, uba long uwei na ki nongseng jong ka Kompeni Infosys.
“Ngam shym la ïoh lad bha ban rakhe ïa ka Raksha Banbhan, hynrei nga la shah teh rakhi ha ki hymmen ki parta jong nga”, u la ong.
U Sunak, u la pynpaw ruh ka jingangnud ruh ban ïoh leit ha kawei na ki Mandir ha ri India, katba u dang don ha kine ki arsngi ha nongbah Delhi ban ïashim bynta ha ka G-20 Summit, kaban long ha Delhi ha ka 9 bad 10 tarik mynta u bnaii.
U PM ka Bilat, u la ong ruh ba ka jingngeit jong u briew kadei ka bynta kaba kongsan ha ka jingim shimet shimet jong u bad kadei ka bynta ruh kaba wanrah ïa ka bha ka miat ha ka imlang sahlang.
