Shillong, Nohprah 06: Ki kynhun ïalehkai Basketball Shynrang bad Kynthei jong ka jylla hapoh ka lama jong ka Meghalaya Basketball Association, ki la khylliap ïa ka jingïakhun ba khadduh napoh Group da ka namjop ha ka lympung 73rd Senior National Basketball Championship kaba la long ha Ludhiana, Punjab.
Haba phai sha ka liang ki kynthei, ka kynhun ka la lah ban pynliem ïa ka Goa da 68-28 point. Shuwa ïa kane, ka kynhun kaba la jop ar sien na ki ar tylli ki jingïakhun ba hashwa, ka la mad namrem ha ka wat ïakhun kaba lai ha ka Telangana da 50-54 point.
Katba na ka liang jong ki shynrang, ka kynhun ka la ïoh ban kyntiew namjop pyrshah ïa ka Andaman and Nicobar da 57-30 point.
