Shillong, Nailur 23: Ka khubor ba la ïoh na ki pulit la ïathuh ba kawei ka briew ka la ujor ejahar ba ha ka 18 tarik mynta u bnai ha ka por kumba 7 baje janmied ki runar bym lah ban ithuh ki la tuh ïa ka kali jong ka kaba don u nombar ML-05 AC 2913 najan ïing sah jong ka kaba ha lai mer shiteng.
Ha kawei pat ka jingjia ki pulit ki la ïathuh ba uwei u briew u la ujor ba ha step jong ka 17 tarik mynta u bnai u la shah thoh ki sohshkor ksiar bad kiwei pat ki tiar. Shuh shuh ka khubor ba la ïoh na ki pulit la ïathuh ba uwei u briew u la ujor ba u la shah tuh ka thuk thuk jong u kaba don u nombar ML -05 AA-0419 na Lawsohtun.
