Shillong, Jymmang 14: U Myntri Rangbah ka jylla u Conrad K Sangma u la ïa kynduh ïa u myntri ïada ri u Rajnath Singh ha nongbah Delhi ban ïa kren ïa ki jingeh kiba ïa kynduh ha Shillong na ka jingkhapngiah bad dheng kali.
Ha kane ka jingïakynduh u myntri rangbah ka jylla u la kyrpad ïa u myntri ïada ri ban iakren bad ai ïa ki jaka kiba lait jong ki shipai ha ki cantonment kaba ki shipai ki ai sha ki pidbah ban ai noh sha ka sorkar khnang ban ïoh ban pynbha bad pynitynnad ïa ka nongbah Shillong.
Ha kane ka jingïakynduh u myntri kam ïada ri u la kular ban shim khia ïa kane ka kam namar lada ki bor shipai kin ai ïa kitei ki jaka ba lait kiba khlem pyndonkam ha ki cantonment kan long ka jingkyrkhu kaba khraw ïa ki paidbah ba ka sorkar kan iïoh ban pynheh ïaki surok bad ki jaka ïeng kali kiba la khapngiah da shisha ha kane ka nongbah Shillong.
