Mawkyrwat, ‘Nailar, 14: Kawei ka khubor ba phylla kaba la jia ha kine ki khyndiat sngi, ha kaba uwei u samla u la lap ïa ki ar tylli ki waitlam kiba la rim na kawei ka jaka ha shnong Mawpud, South West Khasi Hills District.
Katkum ka jingïathuh jong u samla Arbornson Wanniang uba la lap ïa kine ki ar tylli ki waitlam na kawei ka jaka ba ki thmu ban shna ïa ka ïing ne ka jaka sumar (Sub Center) ha shnong Mawpud. “Ka jinglap ïa kine ki wait ha dei ha ka por ba ki dang ïa tih thliew païa, bad ïa kine ki tiar la lap ha ka 9 tarik u ‘Nailar, 2022”, ong u Arbornson.
Namarkata, na ka liang jong u u kwah ban buh pynsah nam ïa kine ki ar tylli ki waitlam namar ki dei ki tiar ba ki briew jong ka mynor ki ju pyndonkam lah ban ong ba ha ka por ba ki don ha ka jingïaleh thma.
