Shillong, K’lyngkot, 21: Katba ka Jylla Meghalaya ka la nang jan sha ki sngi ban leit sha ka elekshon jong ka Iingdorbar Thawaiñ ka Jylla, u National President jong ka National People’s Party (NPP) u Conrad Kongkal Sangma u la pynbna ba un sdang ïa ka jingïalap elekshon na Adokgre naduh ka 23 tarik mynta u bnai.
Ka shnong Adokgre ka dei kaba hap hapoh ka Kharkutta Constituency, North Garo Hills bad ka dei ruh ka shnong kaba u (L) Purno Agitok Sangma u ju sdang ïa ka jingïalap elekshon mynba u dang im.
Ka Jylla Meghalaya kan sa jied ïa ki nongmihkhmat ba thymmai ha ka 27 tarik, Rymphang sha ka Iingdorbar Thawaiñ ka Jylla.
