Shillong, Naiwieng 13: Ka kynhun jong 15 ngut ki thei ïalehkai kriket ba la shah jied ban mihkhmat ïa ka Meghalaya Cricket Association sha ka BCCI’s Women’s U-15 One Day Trophy, kin sa khreh ban mih napoh ka jylla mynta ka Sngi Hat Majai ban leit shapoh Kolkata ban aireng ha katei ka lympung.
Ha kane ka lympung, ka kynhun ki thei ka Meghalaya kan hap ban pyndep san tylli ki jingïalehkai, bad baroh kine yn pynïakhun ha nongbah West Bengal, bad ki jingïalehkai kin long pyrshah ïa ka Assam, Jammu & Kashmir, Nagaland, Delhi bad Karnataka.
Shuwa ban leit shimbynta sha katei ka lympung, ka kynhun ka la ïoh ïa ka jingpynkhreh da kaba kilanmet kaba la pynlong ha Guwahati, bad la sdang naduh 3 tarik Naiweing kaba la pynkut noh hynne ka Lah Sngi U Blei. Ka Meghalaya kan sdang ïa ka jingïakhun kaba nyngkong ha ka 17 tarik Naiwieng pyrshah ïa ka Assam, nangta bud sa ka jingïakhun ha ka 19 tarik pyrshah ïa ka Jammu & Kashmir, bad bud sa ki jingïalehkai ha ka 21, 23 bad 25 tarik.
Kumba la kdew haneng, ka kynhun kan ïoh ban shongthait shi sngi hadien ba la kut man kawei ka jingïalehkai jong ka.
Ka kynhun ba kynthup ïa ki player ba la shah jied ryngkat bad ki dkhot nongkitkam jong ka kynhun, lait noh lai ngut ki thei ba la shah jied kum ki player ban mih bujli lane standby, kin khreh ban leit sha Kolkata mynta ka sngi.
Ka kynhun ki thei ka Meghalaya: Anastesia Shullai, Anjana Kumari, Awesaina S Marak, Carieyoka Lyngdoh, Dejianna M Sangma, Diya Biswa, Habandarisha Shangpliang, Jennyfer Fancon, Joannah Pyngrope, Lini Mandakini Ksoo, Mania Sangma, Mendy Adrena Mawlong, Ronjoli Basumatary, Steffenie Sohshang, Zoya Tasneem
Standby: Evanrihun Sohshang, Bijimme Ch Momin, Lawanjanai Synnah
Support staff: Rupashree Sharma (head coach), Bhakupar Mylliemngap (assistant coach), Sweetie Marboh (trainer), Jakrimbal D Arengh (physio), Pynhunlang Kharnarbi (manager)
Ka prokram lehkai jong ka kynhun Meghalaya ki long:
vs Assam, 17 Tarik Naiwieng
vs Jammu & Kashmir, 19 Tarik Naiwieng
vs Nagaland, 21 Tarik Naiwieng
vs Delhi, 23 Tarik Naiwieng
vs Karnataka, 25 Tarik Naiwieng
