Jowai, Naiwieng 13: Ka jingïalehkai phutbol haka kyrdan Super Division Football Tournament 2023 bala ai kyrteng ‘U Kiang Nangbah Memorial Trophy 2023’ ïa kaba la pynïaid da ka West Jaiñtia District Sports Association, (WJDSA) Jowai hynne ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun naka liang ka kynhun ïalehkai jong ka Mukhla Raij SC kala lah ban pynliem da 1-0 kol ïa ka Mynthong, ïa katei ka shikol na ka Mukhla Raij SC la thep da u Guidingstar Suna haka minit ba 28.
Katba na ka liang ka Mynthong kala ïakhun ban pynphai ïa katei ka shikol hynrei kam lah satia namar ka jingtbit jong ki rangïalehkai ba shadien jong ka Mukhla Raij bad ka jingïakhun hapdeng kine ki kynhun kaba kut noh da 1-0 kol.
La pyntip ba ka jingïakhun lashai ka sngi (14 tarik Naiwieng) kan long hapdeng ka Nangbah Mulang pyrshah ïa ka Khimusniang por 1:30 baje nohphai sngi.
