Jowai, Naiwieng 13: Ka ophis jong u District Sports Officer (DSO), ka West Jaiñtia Hills District, Jowai ha ryngkat ka jingïatreilang bad ka West Jaiñtia District Sports Association, (WJDSA) shen kin pynlong ïaka “Open Volleyball Championship – 2023” naka bynta ki shynrang bad ki kynthei ka ban long ha u bnai Naiwieng bad u bnai Nohprah mynta u snem.
Ha kaba ïadei bad kane ka jingïalehkai la khot bad wer ïa baroh ki Sports Club, ki School, Colleges bad kiwei de napoh ka West Jaiñtia Hills District ba kin wan ban ïashim bynta ha kane ka lympung Volleyball, na ka bynta ka tarik ba khadduh jong ka Entry la pynjlan sha ka 16 tarik u Naiwieng, 2023.
Kino kino kiba don jingmut ban ïashim bynta kin leit mih sha ka ophis u DSO ha ki por ba long trei, katba ïa ka jaka bad ka tarik ban pynïalehkai ïa kane ka “Open Volleyball Championship – 2023” yn pynbna hadien.
