Shillong, Lber 05 : Ka phainal jong ka lympung ïalehkai kriket 2nd District League T20 Cricket Touranament ba la pynïaid da ka East Khasi Hills Cricket Association (EKHCA) kan long mynta ka sngi Nyngkong (6-03-3023).
KA Hurldles CC Mawsynram bad ka Laitjem CC ki la ïoh ban rung sha ka phainal jong katei ka lympung bad kin ïaknieh ïa ka nam lahduh ha ka jingïalehkai kaban ha Shortimai Syiem Stadium, Smit ha ka por 10 baje mynstep.
Ka Hurdles CC ka la ïoh rung sha ka phainal hadien ba ka la khur jingjop da kaba pynliem da 36 ron ha ka jingïakhun pyrshah ïa ka Nongdawah CC katba ka Laitjem CC ka la pynliem da 15 ron ïa ka Cricket Lovers CC ha ki jingïakhun semifinal ha ka sngi Saitjaiñ.
