Shillong, Lber 24 : Ka jingïalehkai final jong ka lympung ïalehkai phutbol kaba la tip kum ka 13th A S Khongphai ‘U’ 14 Football Tournament 2022-23, ba la pynïaid da ka Upper Shillong Sports Social & Cultural Club kan long mynta ka sngi Saitjaiñ (25/03/2023) ha madan Nongpiur, ha ka por 1 baje nohphai sngi.
Ki kynhun kiban ïaknieh ïa ka nam lahduh kin long hapdeng ka Pyrda FC bad ka Nongpiur SC.
U MLA ka thaiñ, u Bah R V Lyngdoh un wan ban sakhi ïa kane ka jingïalehkai final kum u kongsan bad u Bah O Mawthoh, District Sports Officer, East Khasi Hills District kum u symbud kongsan.
