Plie u Bikram D Marak SP ka WJHD ïa ka lumpung ïakura ba pynlong da ka WJBA

0

Jowai, Lber 24 : Ka West Jaiñtia Boxing Association (WJBA) mynta ka sngi kala sdang ïa jingïakhun Boxing ne lympung ïakura kaba la tip kum ka All Jaiñtia Open Boxing Championship 2023 ha ryngkat ka jingïatreilang bad ka ophis jong u District Sports Officer, West Jaintia Hills District ïa kaba la pynlong ha madan dai masi Ladthadlaboh, Jowai.
Ïa kane ka jingïakop ïakura ym pynkut lashai ka sngi ka 25 tarik mynta u bnai Lber (March) bad hashwa ban sdang kane ka jingïakhun mynta ka sngi la don ka jingïalang kaba lyngkot kaba la pynïaid da u ma R. Laloo, ha kaba u Superintent of Police (SP) ka West Jaiñtia Hills District u B.D. Marak u la long u kongsan bad la donlang ruh u Officer Inchage (OC) Jowai PS u ma S. Manner, u Additional SP WJHD, ki dkhot bad nongkitkam ka Jaiñtia Boxing Association lem bad kiwei de kiba la shah khot sngewbha sha kane ka lympung ïa kura.
Na ka liang u kongsan SP haba kren u la ong katno nga dap da ka jingkmen haba nga la shah khot sha kane ka lympung, u la ong na ka por sha ka por ula ïoh sngew ïa ka jingïaid lynti jong ka Association kaba wan rah ïa ka jingmyntoi ïa ki khynnah bad ki samla ym tang ka jingmyntoi hynrei ka akor ruh ruh kumjuh, khamtam ïa ki khynnah kiban sa san ne kiew shakhmat, u SP ula ai khublei kyrpang ruh ïa ki nongkitkam ka West Jaiñtia Boxing Association kaba la trei shitom na ka bynta ban kyntiew ïa kane sap jinglehkai Boxing.
Mynta ka sngi la don ka jingïakhun ha ki kyrdan bapher bapher kiba kynthup ïa ki shynrang bad kynthei, kaba ki jingïakhun phainal kan long la shai ka sngi saitjaiñ 25 tarik naduh ka por janmiet.

Leave A Reply

Your email address will not be published.