Jop ka Rangblang (A) SC ïa ka Health Department ha ka Women’s Basketball Tournament ha Mawkyrwat

Mawkyrwat, Lber 24 : Ka Rangblang (A) Sports Club mynta ka sngi ka la rah ïa ka nam jingjop da ka 60 la 10 poiñ pyrshah ïa ka ophis jong tnad ka koit ka khiah (Health Department) Mawkyrwat ha ka lympung ïalehkai Basketball na ka bynta ka jingrakhe ïa ka International Women’s Day ba la pynïaid da ka ophis jong u District Sports Officer, South West Khasi Hills District lyngba ka District Sports Promotion Society, South West Khasi Hills District.
Ïa kane ka jingpynïalehkai basketball Tournament la pynlong ha basketball Court, DC’s Ophis ha kaba u bah Damang Syngkon, District Sports Officer, South West Khasi Hills District u la long u kongsan ban pynhap pyrda noh ïa kane ka lympung ïalehkai basketball jong ki kynthei.
Ka jingpynlong ïa kane ka lympung ïalehkai basketball na ka bynta ki kynthei ka long kum shibynta ban rakhe bad leh burom ia ka International Women’s Day.
Kiba ïadonlang ha kane ka sngi u Dr. W.L Nary, Medical Health Officer, South West Khasi Hills District ha ryngkat ki paidbah kiba la wan ban pynshngaiñ ha kane ka sngi.