Shillong, Lber 24 : Ka Ryntih kaba dei ka Football Club na Mawlai Mawdatbaki ka la ïoh ïa ki lad ki jing ïarap da ki tiar ïalehkai na ka Assam Rifles lyngba ka jingïalam bad btin lynti u MDC ka Mawlai Constiuency u Bah Teibor Pathaw.
Ka Ryntih ka la ïoh ïa kitei ki tiar ïalehkai ha ka 22 tarik Lber 2023, ha kaba u Deputy Commandant ka Assam Rifles u A. K. Lakhera, u la wan ban ai ïa kitei ki jingai sngewbha kum u Kongsan ha ka jingïadonlang u Bah P.T. Passah ADC ka EKH kum u symbud kongsan.
Ka Ryntih lyngba u President Bah Wallam Kharpran, u la ïathuh ba kine ki lad jingïarap kiba la kot haduh 1 Lak tyngka, kadei ka jingïalam bad btin lynti u MDC ka Mawlai Constituency u Bah Teibor Pathaw. U Bah Kharpran ruh u la ong ruh ba ym dei tang kitei ki lad jingïarap kiba u Bah Teibor u la pynïoh ïa ka Club, hynrei shibun kiba kum u MDC ha i bor ba rit u la ïalam lynti ïa ka Club.
