Jowai, Naitung 14: Ha ka step Sngi Thohdieng ha ka por kumba 6:00 baje eiei, kawei ka bus kaba don ïa u nombar ML05 W 3993 kaba mih na Umrangso Assam ban leit sha Shillong ka la ïa tyngkhuh bad kawei ka trok 16 shaka kaba don ïa u nombar AS 01 PC 7426 bad kaba kit dewbilat
La ïathuh da ki nongshong shnong ka thaiñ ba kane ka la jia ha ka shnong Khonshong, West Jaiñtia Hills kaba don tang katto katne kilometres na ka shnong Iooksi.
Ha kane ka jingjia, bun na ki nongleit nongwan kiba shong hapoh ka Bus ki la mynsaw jur kynthup ïa u nongñiah ka Bus.
Mar mar ki paidbah bad ki nongïalam Shnong ka Khongshnong kumjuh na ka thaiñ Iooksi bad Saphai marsien tip ïa kane ka jingjia ki la pynkit noh ïa kitei ki nongleit nongwan kiba la mynsaw sha ki jaka ïa jingsumar.
