Shillong, Nohprah 14: Kawei ka Longkmie ka la mynsaw na ka jingwan thom ki hati khlaw hapoh ka shnong Kawagra, South West Garo Hills, mynta ka sngi Palei ha ka por mynstep.
Kine ki Hati khlaw kiba don artylli, ki la wan kiew na Bangladesh bad ïaid lyngba ka shnong Kamar hadien ba ïaid lyngba na ka IB ki shipai ha ka por 5 baje mynstep.
Ynda poi ha Kawagra ha ka por 7 baje eiei mynstep, kine ki hati ki la leit thom ïa kawei ka ïing ban wad bam bad ha kane ka jingjia, ka longkmie ba kyrteng ka Faidila Momin ka la mynsaw ha ka jingthom ki hati ïa ka ïing ha ka por ba ka dang shet jingshet ha kamra shetja.
ïa kane ka longkmie la pynkit noh mar mar sha Civil Hospital ha Ampati.
