Jowai, Nohprah 22: Ha ka janmiet sngi Thohdieng ha ka por kumba 2:45 baje eiei kawei ka jingjia aksident ka la jia ha shnong Sabah-Muswang ha ka surokbah NH-6 bad ha kane ka jingjia ar ngut ki briew ki la mynsaw jur.
Kane ka la jia ha kaba kawei ka trok Shaktiman ka la leit ban tynrah ïa ki ar tylli ki kali kiba kynthup ïa ka Manindra Bolero (Pick Up) kaba don ïa u registration number ML 11 8143 bad ia ka Alto kaba don ïa u registration number WB 02U 7458.
Ki ar ngut kiba mynsaw ki dei kiba shong hapoh ka kali Bolero kiba kynthup ïa u Mikel Dkhar na ka shnong Thangskai, East Jaiñtia Hills District bad ka Rilangnga Sayoo na ka shnong Mulieh Raliang, West Jaiñtia Hills District. Katba kiba shong ha ka kali Alto pat ki la shu mynsaw malu mala. Ïa kiba mynsaw jur la pynkit sha Wood Land Hospital, Jowai ha Sabahmuswang ban ïoh jingsumar.
