Shillong, Lber 06: Ka Khasi Hills Autonomous District Council (KHADC) ha ka sngi Nyngkong ka la mynjur ïa ka mang tyngka kaba kot haduh T.46,27,16,190 klur ka ban treikam naduh 1 tarik Ïaiong haduh 30 tarik Jylliew 2023.
Ïa kane ka mang tyngka jong ka konsil la wanrah da u Chief Executive Member (CEM) ka KHADC u Bah Titosstarwell Chyne hapoh ka ïngdorbar thaw aiñ jong ka KHADC.
Haba wanrah ïa kane ka mang tyngkat u Bah Titos u la pyntip ba na ka T.46,27,16,190 klur, la mang T.9,29,73,230 na ka bynta General Administration Department, T.15,37,630 sha ka Law Department, T.2,11,70,910 na bynta ka Revenue Budget & Finance Department, T.2,38,94.710 sha ka Forest Administration Department, T.1,45,17,810 sha ka Administration of Justice & Judicial Department, T.1,86,66,370 sha ka Legislative Department, T.3,40,370 sha ka Education Department, T.27,53,18,430 sha ka Civil Works & Development Department bad T.1,42,96,730 sha ka tnat Enforcement Scheme ban ïada ïa ki Tribal Land.
Naka liang u Chairman ka KHADC u Bah Lamphrang Blah u la buh jingkylli hapoh ka ïingdorbar la baroh ki dkhot ki ai jingmynjur ne em ïa kane ka mang tyngka bad la sakhi ba baroh ki dkhot ki la ai ka jngmynjur ïa kane ka mang tyngka ba la wanrah da u CEM.
