Shillong, Ïaïong 27 : Ki 4 ngut napdeng ki 10 ngut ki rang bad ki thei ïakhunkti na ka jylla, ki la mih hynne ka sngi Palei na Nongbah Shillong ban leit ïakhun ha ka rynsan ïakhun kti kaba la tip kum ka 21st Asian Armwrestling Championship kaban long ha Dubai-Ajman, UAE.
Ha ka jingshisha ka Jylla ka don 10 ngut ki nongïakhun kti, hynrei ki 6 ngut kim lah ban mihkhmat hynrei tang 4 ngut kiba la leit ban iuhkjat sha UAE.
Kine ki 4 ngut ki rang bad thei ïakhun kti ka Jylla kiba leit ban ïa aireng ha UAE ki kynthup ka Airikmenlang Shabong (50kg) na ka Youth category, Margaret Pathaw (60 kg) na ka Master & Senior category, u Hubert Paliar (60kg) bad u Alexander Lyngdoh (80kg) kiban ïa aireng na ka Hearing Impairment.
Kine ki nongïakhun kti kidei kiba la ju wanrah nam bad burom ïa la ka jong ka jylla ha ka jingleit ban mihkhmat ïa ka Jylla sha ki rynsan ïakhun kti la ka long hapoh la ka jong ka ri India bad kumjuh ruh shabar na la ka jong ka ri.
