Khur takma Ksiar ka Kong Suzie Basan bad u Karan ha ka Body Building & Fitness Championship ha Nagaland

Shillong, Ïaïong 27 : Ka Kong Suzie Basan bad u Karan kiba long ki arngut ki nongpyni ksah na ka Jylla Meghalaya ki la ïoh khur ïa ka takma ksiar ha ka jingleit ïashim bynta ha ka Nagaland Body Building & Fitness Championship ba la pynlong da ka National Physique Committee ha Nagaland.
Ha kane ka jingïakob kaba la long ha ka 22 tarik u Ïaïong 2023 ha Holy Cross Auditorium, Dimapur, ka Kong Suzie Basan ka la ïoh khur ïa ka takma ksiar katba u Karan u la ïoh rah kum u Overall Champion.
Lyngba kane ka jingjop, kine ki arngut mynta ki la pynkhreh bha ïalade ban leit ïashim bynta sa ha ka rynsan ïakop pyni dohksah kaba la tip kum ka Asia’s Largest Health Sports and Fitness ka ban sa long ha New Delhi naduh ka 16 tarik haduh ka 18 tarik u bnai Jylliew, 2023.