Mar shi unit, ai snam ka Dr. Ampareen bad u Bah Mayralborn ha Nongpoh

0

Nongpoh, Jymnang 30: Kum shibynta ban pynshlur ïaki paidbah ba kim dei ban tieng ban riej ban ai ïala ka jong ka snam naka bynta ban pynim pat ïaki mynsiem briew, ka Myntri Sorkar ba dei peit ïaka koit ka khiah ka Dr. Ampareen Lyngdoh ryngkat bad u Bah Mayralborn Syiem, MLA ka Nongpoh Constituency uba dei ruh u Chairman ka Meghalaya State Health Advisory Board ki la pynshlur ïaki paidbah ban mih shakhmat ban ai sngewbha ïaka snam sha ki jaka sumar kiba don ïaka Blood Bank khnang ba kan long ka jingmyntoi naka bynta kiba donkam ïaka snam.
Kine ki arngut ki nongmihkhmat jong ki la ai sngewbha ïaka snam jong ki haka program Voluntary Blood Donation Camp cum Awareness Program ka ba la long ha Nongpoh ka ba la pynïaid daka Blood Bank Civil Hospital Nongpoh. Ha katei ka sngi la sakhi ruh ïaka jingmih shakhmat naka liang ki ophisar sorkar ka jylla bad ka tnad ka koit ka khiah ban ai sngewbha ïaka snam.
Hadien ba la dep ban ai sngewbha ïaka snam ka Dr. Ampareen Lyngdoh ha ryngkat bad u Bah Mayralborn Syiem ki la kyntu ïaki paidbah ba kim dei ban tieng ban mih shakhmat ban ai sngewbha ïaka snam bad ki la ïathuh ruh ba kan nym don kano kano ka jingktah ïaka koit ka khiah lada ngi ai sngewbha ïaka snam. Ki la ïathuh ruh ba bun ki nongshong shnong hapoh ka jylla ki donkam ïaka snam bad bun ruh ki la duh noh ïaka jingim tang namar ba ym lah ban pynbiang ïaka snam haka por kaba biang.
Kine ki arngut ki Nongmihkhmat ki la kyntu ïa baroh ba ngim dei ban tieng, bad ba ngin mih shakhmat ban ïadon bynta lang ha kaban ïarap ban sam ïaka jingim sha kiba donkam da kaba ai sngewbha ïaka snam kaba ngin don.

Leave A Reply

Your email address will not be published.