Shillong, Kyllalyngkot 15 : Ka Baroda ka la kamai 273 duh noh 5 wicket ha kaba sdang jong ka U-25 Col CK Nayudu Trophy ha ka jingïakhun pyrshah ïa ka Meghalaya ha ka sngi U Blei ha Mangaldai, Assam.
Ka Meghalaya kaba la jop ïa ka jingkynting pisa ka la kam ban kawang bol nyngkong bad ïoh ban pynhap wicket mar ïa sdang kawang bol ba la ïoh da u Ram Gurung (1/17) uba la ïoh ban pynhap ïa ka wicket u rangtied sdang u Kinit Patel lyngba ka lbw.
Ka Meghalaya ka la lah ban ïalehkai bha ha ka liang ka kawang bol ha kaba ka Baroda ka la hiar ka jingkamai ron da 27 ron duh noh 3 wicket bad hadien kane ka la tied 78 ron ha ka jingduh noh 4 wicket shwa ba u Abhimanyu Singh (109) bad u MR Solanki (85 not out) ki la ïarap ïa ka kynhun ban kamai 153 ron ha ka jingduh noh san wicket.
Ïa ka wicket jong u Abhimanyu Singh uba kamai 109 ron la ïoh da u Manish Sharma uba khur 2 wicket ai kamai 78 ron katba u Roshan Warbah u ïoh 1 wicket ai kamai 28 ron bad u PM Santhosh (1/33).
