Bun tylli ki takma khur ki nongmareh ka Meghalaya na ka Mumbai Marathon

0

Shillong, K’Lyngkot 15 : Ka kynhun ki nongmareh na Meghalaya ki la ïoh ban khur bun tylli ki takma na ka lympung mareh ba pawnam ha ka Ri, ka Mumbai Marathon kaba long ha kane ka sngi u Blei.
Na ki 14 ngut ki nongmareh na ka jylla kiba ïoh ban khur takma ki kynthup ïa u Bah Marvin Kharkongor uba la wan ha ka kyrdan ba ar ha ka rta kiba 25-30 snem, nangta u Bah Jomsing Ramsiej ha kiba 35-40 snem bad u Bah Tlanding Wahlang ha ka thup kiba40 – 45 snem.
Ha ka liang ki shynrang pat ka Darisha Ïangjuh ka la ïoh ban wan balai ha ka liang ki Amateur runner katba ha ka thup kiba 25-30 snem pat ka la wan ha ka kyrdan kaba nyngkong. Katba ka Bandasharai Marwein pat ka la ïoh ban khur ïa ka kyrdan kaba lai. Ha ka thup kiba 40 – 45 snem pat, ka Kong Snora Lyngkhoi ka la wan ban khur ïa ka kyrdan kaba lai katba ha ka thup kiba 70 snem shajrong ïa ka nam jop la ïoh da i Kong Kmoinlang.
Na ka liang ka kynhun nongmareh na Meghalaya ki pynpaw ruh ba ka jingleit shim bynta jong ki ha katei ka lympung ka long ruh ban kynmaw burom ïa kawei na ki dkhot jong ka kynhun kaba la khlad noh shisnem thik mynshwa.

Leave A Reply

Your email address will not be published.