Mano ba ïatrei lang bad ka BJP bad mano ba kyntait ïa ki 5 ngut, ka Congress ne ma ki hi : Pala

0

Shillong, Risaw 23 : U President ka Meghalaya Pradesh Congress Committee (MPCC) u ma Vincent H Pala u la ong ba jingrai jong ka nongïalam jong ka CLP kaba la shah sospon ka Dr Ampareen Lyngdoh ban ïatrei lang bad ka BJP ka kren kham jam ban ïa ka kam bad kumta tang na kane ruh mano ba beh ïa ki san ngut dei ka Congress ne dei ma ki hi ba leh.
U la ong “ Ka Dr Ampareen ka tip shai ba ka Congress kam ju ïatrei lang da lei lei ruh bad ka BJP hynrei ka Dr Ampareen bad ki saw ngut kiwei ki dang leit ïatrei lang bad ka BJP. Kumta kane ka kren shai mano ba kyntait ïa ki ma ki hi ne ka Congress”.
U la kren kumne halor ka jingkynnoh jongka Dr Ampareen ba ka Congress ka beh ïa ka bad ki saw ngut ki MLA ba kynthup ïa u bah Mayralborn Syiem, bah P.T Sawkmie, bah Kimfa Marbaniang bad bah Mohendro Rapsang.
U la ong ba ka Kong Ampareem ka dei kaba la rim bad kham shemphang bha ban ïa u ruh bad na kata ka daw la jied ïa ka ban long ka nongïalam ka CLP. Ka ïalam ïa ka jylla kum ka nongïalam ka CLP kumta ban ong ba dei ka Congress kaba kyntait ïa ka kam don jingmut namar katba ka dang don bad ka Congress hynrei ka leit ïatrei lang bad ka BJP nalor ba ka tip shai ba ka Congress kam lah da lei lei ruh ban pdiang ïaki rukom treikam ka BJP bad ba ka BJP ruh kam lah da lei lei ruh ban pdiang ïa ka Congress.
Baroh ka shong ha ki nongrim treikam namar ka Congress kam pdiang da lei lei ruh ïa ki nongrim treikam ka BJP bad kumjuh ruh ka BJP kan ym pdiang ïaki nongrim treikam jongka Congress ong u ma Pala.
Kumta ka kong Ampareen kum ka nongïalam ba la rim jongka Congress ba kan leit ïatrei lang bad ka BJP kata hi ka la kren shai mano ba kyntait ïa ka ka Congress ne dei ma ka kaba kyntait ïaka Congress, pynkut u ma Pala.

Leave A Reply

Your email address will not be published.