Shillong, Lber 14: Ïa ki Externally aided projects (EAPs) ba shongdot T. 2518 klur la dep ban mang na ka bynta ka Meghalaya ha kine ki 5 snem ba la leit.
Ïa kane la ïathuh da u Myntri Rangbah ka jylla u Conrad K Sangma haba jubab ïa ka jingkylli hapoh ka dorbar mang tyngka kaba dang shu kut shen.
Kumba ka long mynta ki la don 15 tylli ki project ba la pyntreikam ha ka jylla.
Kine ki dei ka jingthymmai bad ka jingpynkylla dur ïa ka Umïam – Umtru stage-III, community based forest management & livelihoods improvement in Meghalaya (MegLIFE), Meghalaya livelihood and access to markets project (Megha-LAMP), Meghalaya power distribution sector improvement project, ka jingkyntiew ïa ka ïoh ka kot ki nongshong shnong ha ki thaiñ nongkyndong ka Meghalaya lyngba ka jingpyndonkam ïa ka renewable energy mini-grids, Meghalaya integrated transport project (MITP), Meghalaya health systems strengthening project (MHSSP), dam rehabilitation & improvement project (DRIP) phase-II & III, protection of vulnerable catchment areas ha Meghalaya (MegARISE), TA na ka bynta na ka bynta ka jingpynbiang ha ki kam rep ne ka farmer mobilization project/sustainable land management (SLM), Meghalaya eco-tourism infrastructure development project (MEIDP), ka water harvesting project ha Meghalaya, ka Meghalaya early childhood development (ECD) mission, kaba kyrshan ïa ka jingkiew ka kam pisa ha Meghalaya (phase-II) bad ka Meghalaya program for adolescent wellbeing, employment and resilience (MPOWER).
Ki jingkheiñ bad lum jingtip halor kine ki jingpyntreikam ïa kine ki project la dep ban buh ha ki jingthoh.
