Mawkyrwat, Risaw 22: U Deputy Commissioner jong ka South West Khasi Hills District lyngba ka shithi na u Chief Engineer jong ka PWD (Roads) ula ong ba ka jingbthah na ka Ïingbishar jong ka High Court, Meghalaya kaba 06/09/2024 ba la bthah ba “Dei ban shim ïa ki lad/ki kam kiba pyrkhing bha ha kaba ïadei bad ka jingbret ïa ki tiar shna ïing, ne ban pynlong ïa ki jaka trei ha harud surok, kaba buh jingma kaba khraw ïa ka jingtuid ki kali bad ka jingim jong ki nongleit nongwan”.
Namarkata, lyngba kane ka jingpynbna la bthah ïa baroh ki paidbah kiba ïa dei kam, ba kin kiar na kaba pyndonkam ïa ki surok naduh ka jingkhleh ïa ka dewbilat ne cement concrete, ka jingbret ïa ki tiar shna bad kiwei kiwei, kiba lah ban khanglad ïa ka jingheh jong ka surok bad buh jingma ïa ki paidbah ne ki kali kiba dei ki nongpyndonkam ïa ka surok ha ka ïaid ka ïeng.
