Mawkyrwat, Risaw 22: U Deputy Commissioner jong ka South West Khasi Hills District, Mawkyrwat ka la ai ïa kane ka jingpynbna paidbah kaba ïa dei bad ka jingbud beit bud ryntih katkum ki kyndon ba don ha ka Flag Code jong ka India 2002 bad ka “Prevention of Insults to National Honour Act 1971”.
Ka lama India kaba long ka dak jong ka jingkyrmen bad jingai mynsiem ïa ki nongshong shnong ka dei ban ïoh ka burom bad kyrdan kaba halor ha kaba ki dei ban ieid bad burom ïa ka lama India. Namarkata, Hadien ba la ïoh jingtip ba la pyndonkam da ki lama plastik ha ka jaka ki plastik kot ha ki National, Cultural, Social, bad Sports events bad namar ba ki plastik kim pyut bad ki neh slem bad ka long kaba eh ban shu bret pathar khlem da bud ryntih ïa ki kyndon da kaba burom ïa ka lama. La khang paidbah na kaba pyndonkam ïa ki lama plastik ha ki national, cultural, social bad sports events katkum ka kyndon jong ka Flag Code of India 2002 bad ïa kiba kum kine ki lama kot ymdei ban shu bret pathar ha madan bad dei ban ban da bud ryntih katkum ki kyndon kiba ïa hap kyrdan bad ka burom jong ka lama. Na ka bynta ki jingtip ba kham bniah leit sha ka Ministry website: www.mha.gov.in.
