Maham ban lum paidbah 200 meter na jaka thep vote

0

Nongstoiñ, Rymphang 23: U District Magistrate ka West Khasi Hills bah Garod LSN Dykes IAS, u la pynjari da ka kyndon aiñ 144 CrPC kaba khang pyrshah ïa baroh ki election campaigns, ka jingïalum paidbah, pyndonkam ïa ki loud speaker, ka jingsam ia ki kot lyngkdop ne pamphlets, ka jingpynieng ïa ki lama ki banners bad kiwei kiwei 200 meters na ki jaka thep vote. Ym shah ïa ka jingplie ïa ki ophis party 200 meters na ki jaka thep vote, ban pynlong jingïalang ne ïaid paidbah, ban rah ia ki tiar pynmynsaw, pynlong kino kino ki jingpyntieng ïa ki nongthep vote ne ki paidbah ka jingïalum briew, kaba palat ïa ka 5 ngut ha ka juh ka jaka, Kane ka hukum kan treikam mardor ha baroh kawei ka District naduh ka 4 baje janmiet jong ka 25 u Rymphang, 2023 haduh ban da kut ka Election.

Leave A Reply

Your email address will not be published.