Lynñiar ki paidbah ba lip bording man ka janmiet ha Mawiongrim

Shillong, Risaw 14 : Ki paid nongshong shnong jongka shnong Mawiongrim ki la ud la lyniar namar ka jinglip bording man la ka janmiet mynta la katto katne por.
Haba pyntip sha u nongthoh khubor ki nongshong shnong ki la ong “ Ngi sngewthuh lada dei kata ka load shading ne ka por pynlip bording, hynrei kumba long mynta khlem pat da pyntreikam ïa ka load shading tang shu la poi ka por janmiet kata naduh 5 ne 6 baje janmiet la lip beit ka bor ding bad haba lip ruh ka lip da ki bun bun kynta. Haba ujor sha ki bor ba dei peit ki ai daw beit ba dang shna la jan man la ka janmiet. Kane ka jinglip bor ding ka la ktah jur ym tang ïa khaïi pateng,hynrei khamtam eh ïa ki samla pule,ki khynnah skul kiba la hap ban pynkhreh ïa ki jingpule jongki na ka bynta ka eksamin phainal”
Kumta halor kane ki kyntu ïa ki bor ba dei peit ba kin shim khia ba kane ka jinglip bor ding kan ym jia shuh khah khah ne man ka janmiet.